L'ALUMNÁU D'ASTURIANU DA EN CLAVU

Argumentar ye espresar una idea o una opinión y defendela con razones o argumentos que la xustifiquen.

Na vida cotidiana, ye perimportante:

• esplicar el porqué de los nuestros comportamientos, y actitúes.
• esponer el nuestru puntu de vista, o forma de pensar.
• argumentar o dar razones pa influir na opinión de los demás.

Esta práctica de l'argumentación ye necesaria en cualesquier sociedá, pero pa nós,
un coleutivu que ta defendiendo y estudiando una llingua minoritaria y minorizada, y vivimos nuna sociedá diglósica (con un billingüismu desequilibráu) onde la llingua A (Castellán) goza del estatus d'oficialidá, mientres que la llingua B (Asturianu) ...non, colo qu'ello supón.
Equí
SÍ
YE IMPORTANTE ARGUMENTAR Y SER PERSONES MUI SERIES NES MANIFESTACIONES QUE FACEMOS,

....SOBREMANERA SI SON PÚBLIQUES.

¡Cuidáu con falar ensin pensar o decir babayaes, entós nunca naide nos tomará en serio!.

ESTI ALUMNÁU SÍ QUE PRESTA...

ARGUMENTA
BIEN BIEN VERDÁ.

ACTIVIDÁ 1.

- VISUALIZA'L VIDEU DE LA TPA, DEL I.E.S. ASTURES DE LLUGONES, ONDE FALA L'ALUMNÁU D'ASTURIANU.

ACTIVIDÁ 2.

-COMPRENSIÓN ORAL

- Respuende a les cuestiones de comprensión oral que plantego darréu:

- ¿Qué problemes atopen les profesores d'asturianu?
- ¿Hai munchu alumnáu d'asturianu nesi institutu?
- ¿Cuála ye la lleenda urbana sobro l'alumnáu del institutu?
- ¿Crees que ye cierta?
- ¿Qué mensax llanza l'alumnáu del IES ASTURES ?

-Ellabora un llistáu colos argumentos qu'empleguen dellos alumnos y alumnes pa defender la so tesis: "Escoyer llingua asturiana ye bono"

Usa pa ello un procesador de testos, depués compartiremoslo en google doc, y asina publicarémos un ellaz pa poder velo nel blog.

ACTIVIDÁ 3.

-Llei l'informe sobre la represión llingüística ellaboráu pola ACADEMIA DE LA LLINGUA ASTURIANA. (Ta na páxina de la cabecera)


ACTIVIDÁ 4.

- Busca en Youtube vídeos que tengan que ver cola realidá sociollingüística n'Asturies. Conserva los enllaces y insértalos nuna páxina nueva del blog.

-ACTIVIDÁ 5

AGORA YÁ TENEMOS SUFICIENTE INFORMACIÓN PA FACER UN ALDERIQUE Y CREAR LOS NUESTROS PROPIOS ARGUMENTOS PA DEFENDER O REFUTAR LA TESIS: "L'ASTURIANU TIEN DE SER OFICIAL".

ACTIVIDÁ 6

ESCUEYI'L MEYOR ARGUMENTU Y FAI UN CÓMIC en Pixton


OTROS INSTITUTOS TAMIÉN DAN LA CARA. CALCA NOS ENLLACES

• IES MONTE NARANCO

• IES BATÁN

-