9 mar 2022

Alcuentru Virtual n'asturianu

 La Conseyería d'Educación entamó un alcuentru  tituláu Alcuentru virtual: La escuela n'asturianu,  con mires de mostrar cómo se ta trabayando la enseñanza de la llingua asturiana nel sistema educativu del Principáu y p¿aguiyar la matriculación na asignatura.

L'alcuentru cuntó cola participación del periodista asturianu, Damián Barreiro, que foi introduciendo caún de los centros participantes, unu per cada etapa educativa.

Alba Hernández Boada collaboró con una clase colos sos alumnos y alumnes de 3 y 4 años nel CP Vital Aza, de L.lena p'amosar cómo s'empieza a estimular l'aprendizaxe a edaes bien tempranes. Víctor Suárez abrió les clases del CP Martimporra de Bimenes col so alumnáu de Primaria. Paz García, nel IES Bernaldo de Quirós, fixo actividaes enfocaes a Secundaria. En Ribesella, nel IES Avelina Cerra, Claudia Gutiérrez afaló la creatividá y la imaxinación de los sos estudiantes de Bachilleratu.

La Conseyera d'Educación, Carmen Suárez, despidió l'alcuentru. Estimó la participación de tolos centros, la implicación del profesoráu y la dedicación de tol alumnáu.  





5 dic 2020

EL NEÑU MIGUEL

4:00 A.M.
Miguel esguilaba pel monte, dende Bo. 6:00 A.M. Xunto col cuadreru, yera’l primeru n’entrar al 19 Marianes.
7:45 A.M. Entregaba prendíes, precintaes y ordenaes, 160 llámpares.
4:00 P.M. Salíen los mineros. A güelu tocába-y llimpiar y revisar, una a una. Camudaba’l mecheru y la piedra y p’acabar, cargaba les cepes con gasolina y dexábales al pie la xaula (rede-vasu) pa montales a otru día.
Güelu Miguel yera llampisteru na Hullera Española. So pá tamién foi llampisteru. Mio pá renegó de la mina'l día que vio morrer al picaor al qu'ayudaba, y cuando por llevalu a casa descontáron-y el día. Prefirió dir voluntariu pa la mili y d'ehí pal estranxeru.



LOS MINEROS D'ASTURIES en voz de ANABEL SANTIAGO, una de les grandes voces de la Tonada Asturiana.

20 may 2013

PROYECTU DE RESCATE DE LLINGÜES EN PELIGRU D'ESTINCIÓN



PROYECTU DE RESCATE DE LLINGÜES EN PELIGRU D'ESTINCIÓN

 El sen d’esta TAREA FINAL

“GUARDA UNA AYALGA
debe inxertase nel oxetivu caberu de la materia na etapa, que nun ye otru que’l de contribuir a la alquisición y desendolque de les competencies básiques y les habilidaes llingüístico-comunicatives necesaries pa interactuar satisfactoriamente en faces dixebraes de la sociedá actual.
Teniendo en cuenta que la tarea tien de ser un entrenamientu pa la puesta n’acción de los conocimientos, destreces, y actitúes algamaos, y amás tien de dase nun contestu real, ta claro que’l nuesu constestu, ye S.O.S. Nun podemos escaecer que la situación del asturianu ye de “PELIGRU D’ESTINCIÓN” como asina nos informa la Organización de las Naciones Xuníes pa la Educación, Ciencia y Cultura (UNESCO), nel so apartáu: PATRIMONIU CULTURAL INMATERIAL.


Dende la nuestra posición como falantes d’una llingua materna minorizada, solo podemos facer una cosa pa contribuir a la conservación del nuesu patrimoniu llingüísticu, adoptar el compromisu de tesmitila pa que siga viva, pues si daqué sabemos de xuru, y ye que, una llingua que nun nun se fala, ye que ta muerta.
Eso foi lo que-yos pasó a llingües como’l MANÉS de la Islla de Man, que s’estinguió en 1974 cola muerte de Ned Maddrell; l’AASAX de Tanzania, sumíu dafechu en 1976; l’UBYH de Turquía, desapaecíu en 1992 cola muerte de Tefvic Esenc; l’EYAK d’Alaska, que morrió l’añu pasáu al par que Marie Smith Jones.


Nós, nun queremos que nos pase.Nun podemos escaecer nel plantegamientu xeres educatives, que l’oxetivu caberu de toa acción en clas d’asturianu ye:
GUARDAR L'AYALGA

col sen de cuidar y protexer
a la nuestra llingua materna de la desapaición.

Nós vamos facelo, y tu ¿qué vas facer?

Como ciudadanos y ciudadanes responsables tenemos qu’actuar.

¡Pola llealtá llingüística! ¿Xuegues?_______

NESTI ENLLAZ PODEMOS ESCUCHAR LLINGÜES AMENAZAES D'ESTINCIÓN, NUN SOMOS LOS ÚNICOS, PERO ESO NUN CONSUELA.

SI NUN QUIES QU'ESO PASE COL ASTURIANU: FÁLALO, ESCRÍBELO!!!! RESPÉTALO!!!!

¡
Fai
nel comentariu y salva una!
____

16 may 2013

Radio Sele


RADIO SELE (L'ASTURIANU NES ONDES)


Pela mañana llevántome mui ceo, entá ye de nueche. Garro l’autobús, la llinia 2 que me dexa a la puerta la Radio. Llego con tiempu asgaya, echo un pitu a la serena, y entro al llocal. Pongo la bata, écho-y agua al calderu, aclaro la fregona, reviso los productos (por si fai falta mercar daqué) y entamo la tarea. Primero “la barredera”, depués vaciar los ceniceros llenos de povisa, paso la fregona y a lo último, llimpio los micros. A les 7 menos cinco quito la bata, pongo los lentes , ordeno los faxes y les noticies del día. En puntu entro n’antena, l’informativu nun perdona. “Bonos díes. ¡Atiendi, Asturies Atiendi!”.

                                        Paz García

 

 UN POCO D'HESTORIA:

  

POEMA REIVINDICATIVU de cuando había cursos d'asturianu nel Ayuntamientu d'Uviéu

 

 

Radio Sele na TPA desplicando coses que tienen que ver cola llicencia de radio comercial.

 

Fueya de sofitu: faite socia

 

Mani pola Oficialidá 2013









A la gueta de la profe d'asturianu. Ventiún años y solo una falta y xustificaaada!