EL NEÑU MIGUEL

4:00 A.M.

Miguel esguilaba pel monte, dende Bo. 6:00 A.M. Xunto col cuadreru, yera’l primeru n’entrar al 19 Marianes.

7:45 A.M. Entregaba prendíes, precintaes y ordenaes, 160 llámpares.

4:00 P.M. Salíen los mineros. A güelu tocába-y llimpiar y revisar, una a una. Camudaba’l mecheru y la piedra y p’acabar, cargaba les cepes con gasolina y dexábales al pie la xaula (rede-vasu) pa montales a otru día.

Güelu Miguel yera llampisteru na Hullera Española. So pá tamién foi llampisteru. Mio pá renegó de la mina'l día que vio morrer al picaor al qu'ayudaba, y cuando por llevalu a casa, descontáron-y el día. Prefirió dir voluntariu pa la mili y d'ehí pal estranxeru.

LOS MINEROS D'ASTURIES en voz de ANABEL SANTIAGO, una de les grandes voces de la Tonada Asturiana.

MIO GÜELA PACITA Y MIO GÜILU DAMASO

Acolumbro les piedres llabraes de la muria, y alcuérdome de la figar na antoxana, de la caxa “celtes” nel marcu la ventana, de la llechera y la zapica arrimaes a la parede, de la puerta cola tarabica echada y el cuartarón abiertu, y güelu sentáu en puyu, cola boina na rodía. Y en corredor, yá tranquila cuese la SINGER.

L’alcordanza traime l’arume a llavanda, a sábanes doblaes nel arca del cuartu, al pie la cama mio güela.


Pincha equí pa conocer el sintir de la XUNTA

ACTIVIDAES:

1. LLEI LA CARTA "MIO GÜELA DE PABLO TEXÓN CASTAÑÓN
2. CONSTESTA AL CUESTIONARIU
   

Artículu rellacionáu: Blog d'autor La Casa Vieya: Antón García fala de mio güela