Suañé… que viaxaba a un mundu onde se respetaben dafechu los Drechos Humanos; que llegaba a una tierra na que se cumplíen davezu los drechos llingüísticos de la xente ; que vivía nun territoriu que yera quien a recuperar la so autoestima; que trabayaba nun llugar onde la reciella podía alfabetizase na so llingua materna. Sí, yo tamién tuvi un suañu que nun se cumplió. Suañé qu’existía una Asturies, onde l’asturianu yera OFICIAL. Y yera perguapu. ¡Dígotelo yo, ne!
La llegada del Día de les Lletres Asturianes supón una xornada de fiesta pa la lliteratura del país, pero tamién ye un momentu pa facer balance de la situación del idioma y pa reivindicar un estatus d’igualdá pa tola xente que quier usar l’asturianu como la so llingua de cada día.
A naide-y pue cayer embaxo la situación tan preocupante que sufre la llingua asturiana pola perda cada vez más grande de falantes. La presencia testimonial del asturianu nos medios de comunicación públicos y el so usu tan escasu pola Alministración asturiana nun ayuden precisamente a que la nuestra llingua gane prestixu y reconocimientu ente la xente.
La precariedá de l’asignatura nes primeres etapes educatives –hora y media voluntaria a la selmana– y en Secundaria –optativa en competencia con asignatures como Informática o Francés– dan una idea de la poca importancia que merez pa l’Alministración educativa.
PORQUE TAMIÉN YE TUYA
L’ASTURIANU LLINGUA OFICIAL, YÁ
MANIFESTACIÓN. Viernres 7 de mayu. 19:30. Estación del Norte. Uviéu.
onde se respetaben dafechu los Drechos Humanos; que llegaba a una tierra na que se cumplíen davezu los drechos llingüísticos de la xente ; que vivía nun territoriu que yera quien a recuperar la so autoestima; que trabayaba nun llugar onde la reciella podía alfabetizase na so llingua materna. Sí, yo tamién tuvi un suañu que nun se cumplió. Suañé qu’existía una Asturies, onde l’asturianu yera OFICIAL. Y yera perguapu. ¡Dígotelo yo, ne!
