NA ALCORDANZA- Dora Vigil Castañón

Diseño: Javier del Campo

Asela l’airón

Restal.la l’eiro

Fervica agua nel alicurniu

¡Axela foguera!

brazos

¡Espertái los panderos!

l.labios

¡Qu'acal.lenten la gaita!

Son

Son

¡Azucre!

hermanas

¡Armái una Danza!

Un pasu p’alantre

Bail.la morena

bocas

¡Cantái a La Negra!

Que la quiero ver bail.lar

Saltar y blincar

Y dar vueltas al aire...

pïes

¡Que salga la moza!

Yá

vuela

Yá

siente

¡Calor!

deos

¡Repicái'l pandiru!

Soi

Yo 
 Soi

¡Azucre!

Soi la fuxía

—Tierra caliente, Arxel—

Negra fería.

Escorruxo’l fríu que trai’l carbisu:

Torné.

"Candela"

A Dora Vigil.
Fuisti, yes y serás cabezalera.

Foto de Angele Etoundi, fotógrafa camerunesa.
"Mi trabajo fotográfico está focalizado en la representación de la mujer negra como símbolo para transgredir los estereotipos. Quiero, por encima de todo, capturar la vitalidad, la fuerza interior y el orgullo que emana de ellas"

MÚSICA TRADICIONAL NEL INSTI ¡¡¡ PRESTA A ESGAYA!!!

YÁ TAMOS ANUNCIAOS NA PÁXINA WEB DEL IES FLEMING

Pa saber más consulta'l BLOG DEL ALUMNÁU D'ASTURIANU

TUENDA

Anunciu de la Campaña de Toponimia Oficial del Principáu d'Asturies

TAREA FINAL "GUARDA UNA AYALGA"

El sen d’esta TAREA FINAL

“GUARDA UNA AYALGA”
debe inxertase nel oxetivu caberu de la materia na etapa, que nun ye otru que’l de contribuir a la alquisición y desendolque de les competencies básiques y les habilidaes llingüístico-comunicatives necesaries pa interactuar satisfactoriamente en faces dixebraes de la sociedá actual.

Teniendo en cuenta que la tarea tien de ser un entrenamientu pa la puesta n’acción de los conocimientos, destreces, y actitúes algamaos, y amás tien de dase nun contestu real, ta claro que’l nuesu constestu, ye S.O.S. Nun podemos escaecer que la situación del asturianu ye de “PELIGRU D’ESTINCIÓN” como asina nos informa la Organización de las Naciones Xuníes pa la Educación, Ciencia y Cultura (UNESCO), nel so apartáu: PATRIMONIU CULTURAL INMATERIAL.

Dende la nuestra posición como falantes d’una llingua materna minorizada, solo podemos facer una cosa pa contribuir a la conservación del nuesu patrimoniu llingüísticu, adoptar el compromisu de tesmitila pa que siga viva, pues si daqué sabemos de xuru, y ye que, una llingua que nun nun se fala, ye que ta muerta.

Eso foi lo que-yos pasó a llingües como’l MANÉS de la Islla de Man, que s’estinguió en 1974 cola muerte de Ned Maddrell; l’AASAX de Tanzania, sumíu dafechu en 1976; l’UBYH de Turquía, desapaecíu en 1992 cola muerte de Tefvic Esenc; l’EYAK d’Alaska, que morrió l’añu pasáu al par que Marie Smith Jones.

Nós, nun queremos que nos pase.
Nun podemos escaecer nel plantegamientu xeres educatives, que l’oxetivu caberu de toa acción en clas d’asturianu ye:

GUARDAR L'AYALGA

col sen de cuidar y protexer

a la nuestra llingua materna de la desapaición.

Nós vamos facelo, y tu ¿qué vas facer?

Como ciudadanos y ciudadanes responsables tenemos qu’actuar.

¡Pola llealtá llingüística! ¿Xuegues?_______

NESTI ENLLAZ PODEMOS ESCUCHAR LLINGÜES AMENAZAES D'ESTINCIÓN, NUN SOMOS LOS ÚNICOS, PERO ESO NUN CONSUELA.

SI NUN QUIES QU'ESO PASE COL ASTURIANU: FÁLALO, ESCRÍBELO!!!! RESPÉTALO!!!!

¡Fai nel comentariu y salva una!____

OFICIALIDÁ YÁ-YÁ-YÁ

Suañé… que viaxaba a un mundu onde se respetaben dafechu los Drechos Humanos; que llegaba a una tierra na que se cumplíen davezu los drechos llingüísticos de la xente ; que vivía nun territoriu que yera quien a recuperar la so autoestima; que trabayaba nun llugar onde la reciella podía alfabetizase na so llingua materna. Sí, yo tamién tuvi un suañu que nun se cumplió. Suañé qu’existía una Asturies, onde l’asturianu yera OFICIAL. Y yera perguapu. ¡Dígotelo yo, ne!